Vybuch na terytoryi vajennaha palihona ŭ Archanhielskaj vobłaści adbyŭsia padčas vyprabavańnia vadkasnaha reaktyŭnaha ruchavika. Pra heta RBK paviedamili ŭ Minabarony Rasii.
Pavodle viedamstva, ad atrymanych traŭmaŭ zahinuli dva čałavieki. Šeść vajskoŭcaŭ i pradstaŭnikoŭ pradpryjemstva-raspracoŭščyka atrymali traŭmy.
Dzie mienavita adbyŭsia incydent, viedamstva nie ŭdakładniaje. Raniej krynicy infarmahienctvaŭ paviedamlali, što havorka idzie pra pasiołku Nionoksa.
Telegram-kanał Mash sa spasyłkaj na ekstrannyja słužby taksama pisaŭ, što radyjacyjny fon u nasielenym punkcie pieravyšany ŭ try razy. U Minabaronie RF hetuju infarmacyju abvierhli, adznačyŭšy, što vykidaŭ radyjacyi i škodnych rečyvaŭ nie było.
Krynica TASS raniej paviedamlała, što adbyŭsia pažar na sudnie na terytoryi vajskovaj častki pad Sievieradźvinskam. Hubiernatar rehijonu Ihar Arłoŭ zajaviŭ ahienctvu, što evakuiravać nasielnictva z-za incydentu nie patrabujecca.