Advakat arhiencinskaha futbalista i hanarovaha prezidenta bresckaha «Dynama» Dyjeha Maradony Macijas Morła raspavioŭ pra padarunak ad biełaruskaha kłuba.
«Na hetym tydni razmaŭlaŭ z pradstaŭnikami bresckaha «Dynama». Jany ŭvažliva sočać za žyćciom Dyjeha — nastolki, što padaryli jamu matacykł Harley Davidson z nahody apieracyi. Dyjeha byŭ ździŭleny i choča adździačyć za padarunak.
Tamu my adpravimsia ŭ Biełaruś. Heta miesca, dzie jon adčuvaŭ vialikuju luboŭ za toj karotki čas, jaki tam pravioŭ. Jon nie zabyvaje, što mienavita tam jamu prapanavali pracu paśla jaho adjezdu z Abjadnanych Arabskich Emirataŭ. Akramia taho, nam usio jašče davodziłasia naviedvać Uładzimira Pucina i prezidenta Biełarusi Alaksandra Łukašenku», — pryvodzić słovy Morły Marca.
