Amierykanski scenaryst Krejh Mejzin, jaki pracavaŭ nad sieryjałam «Čarnobyl», raspavioŭ pra dadatkovuju scenu ŭ šou, jakuju pryjšłosia vyrazać praz chranamietraž, piša The Hollywood Reporter.
«U druhim epizodzie piersanaž Emili Uotsan naviedvaje partyjnaha rabotnika, i jon joj kaža, što nijakich prablem niama. Paśla hetaha idzie scena, u jakoj my bačym, što jon telefanuje i sprabuje prymusić čynoŭnikaŭ dazvolić jamu admianić demanstracyju 1 maja ŭ Minsku praz zabrudžanaje pavietra, ale jany nie dazvalajuć. Jon ničoha nie moža z hetym zrabić i adpraŭlajecca na demanstracyju sam», — skazaŭ kiniematahrafist. Jon dadaŭ, što hetaja častka ŭ historyi Čarnobyla źjaŭlajecca absalutna praŭdzivaj.
U Kijevie i Minsku 1 maja adbylisia demanstracyi, na jakich ludzi, u tym liku dzieci, vyjšli na vulicu, nie padazrajučy, što ŭ pavietry raspaŭsiudžvajecca radyjacyja. Scenaryst škaduje, što scenu pryjšłosia vyrazać.
