Alaksandr Łukašenka 29 lipienia ŭzhadniŭ Alaksandra Kadłubaja na pasadu namieśnika ministra adukacyi. Ciapier stała viadoma, kaho ž zamienić Kadłubaj na hetaj pasadzie.
Raisa Sidarenka.
«U suviazi ź pieravodam da inšaha najmalnika» ad pasady namieśnika ministra vyzvalenaja Raisa Sidarenka. Joj 57 hadoŭ, a rodam jana z rasijskaj Karelii. Spadarynia Sidarenka skončyła BDU, i pracavała ŭ Minsku nastaŭnicaj ruskaj movy. Ad 2014 hoda była namieśnicaj ministra.
U Ministerstvie Raisa Sidarenka adkazvała za zabieśpiačeńnie praviadzieńnia dziaržaŭnaj palityki ŭ sistemie adukacyi, a taksama za infarmacyjna-ideałahičnuju pracu.
Alaksandru Kadłubaju 37 hadoŭ, jon rodam z Karelickaha rajona. Skončyŭ histaryčny fakultet BDU, pracavaŭ nastaŭnikam historyi. Apošnija hady ŭznačalvaŭ adździeł adukacyi Lidskaha rajvykankama.