Ministerstva abarony Rasii pakazała na vystavie ŭ vajenna-patryjatyčnym parku «Patryjot» kasietnyja bomby, jakija vykarystoŭvali padčas vajny ŭ Siryi. Pra heta havorycca ŭ rasśledavańni rasijskaj daśledčaj hrupy Conflict Intelligence Team.
Makiety bombavych kasiet RBK-500 AT-2,5RT i RBK-500 ŠOAB-0,5 vystavili ŭ paviljonie, paznačanym jak «Ekspazicyja ŭzbrajeńnia i vajennaj techniki, što ŭžyvajecca ŭ chodzie viadzieńnia vajennych dziejańniaŭ u Siryjskaj Arabskaj Respublicy».
U Conflict Intelligence Team ličać, što makiety bombavych kasiet na vystavie faktyčna dakazvajuć, što rasijskaja avijacyja vykarystoŭvaje ŭ tym liku i kasietnyja bojeprypasy. Pra heta daśledčaja hrupa havaryła ŭ svaim rasśledavańni 2016 hoda.
Fota: citeam.org.
U Minabarony Rasii raniej admaŭlali, što vykarystoŭvajuć kasietnyja bojeprypasy ŭ Siryi. Aficyjny pradstaŭnik viedamstva Ihar Kanašenkaŭ kazaŭ, što na avijabazie Chmiejmim takich bombaŭ naohuł niama.
