Žychar Mahilova paznajomiŭsia ŭ internecie z 25-hadovaj dziaŭčynaj z Čavusaŭ. Mahiloviec zaprasiŭ damu ŭ hości. Žančyna pahadziłasia, ale z adnoj umovaj — patrebnyja hrošy na vydatki: jana ŭ dekrecie, samamu małodšamu z čatyroch jaje dziaciej 4 miesiacy, paviedamlaje milicyja.
Mahiloviec pieravioŭ abumoŭlenuju sumu žančynie na kartu, adnak taja nie pryjechała, spasyłajučysia na zaniataść.
Historyja paŭtaryłasia jašče raz — sarvałasia i druhoje apłačanaje spatkańnie. Tady pradprymalnaja žančyna paprasiła vysłać danyja bankaŭskaj kartki, kab nibyta źvieryć niekatoryja ličby.
Paciarpieły sfatahrafavaŭ kartu z dvuch bakoŭ i adpraviŭ zdymki. Dziaŭčyna pryviazała kartu da anłajn-kazino, vyjhryšy ź jakoha prychodzili na jaje kartku. Pa danych čužoj karty jana taksama apłačvała internet-hulni i ŭdzielničała ŭ łatarejach. Ahułam jana vymantačyła ŭ mahiloŭca amal tysiaču rubloŭ.
Za machlarstva suprać žančyny raspačali kryminalnuju spravu pa č. 1 art. 209 Kryminalnaha Kodeksa, a za kradziež čužych srodkaŭ z vykarystańniem kampjutarnaj techniki joj treba budzie adkazać pa 212 artykule KK.