rw.by
Pasažyry paviedamlajuć, što ŭ rajonie stancyi Talka złamaŭsia ciahnik, jaki jechaŭ ź Minska ŭ Homiel, piša Tut.by.
«Pravadniki skazali, što nie pracuje kampresar. Paŭhadziny my čakali, potym padjechaŭ łakamatyŭ, nas pavinny davieźci da Asipovičaŭ, a potym chto na aŭtobusie pajedzie, chto na inšaj elektryčcy», — patłumačyła śviedka.
Havorka idzie pra ciahnik vytvorčaści kampanii «Štadler», chutkasny rejs Minsk — Homiel byŭ zapuščany ŭ 2016 hodzie, čas u šlachu — krychu bolš za try hadziny. U pres-słužbie BČ abiacajuć prakamientavać situacyju ŭ najbližejšy čas.
Nahadajem, 16 červienia złamaŭsia ciahnik «Štadler» pa darozie z Homiela ŭ Minsk. Z-za pałomki 760 pasažyraŭ zatrymalisia ŭ šlachu amal na čatyry hadziny. A niazručnaści adčuli bolš za 1200 pasažyraŭ — tyja, chto jechaŭ z Homiela ŭ Minsk, i tyja, chto čakaŭ ciahnika, kab adpravicca ź Minska ŭ Homiel.