U pačatku lipienia ŭ Navapołacku adbyłasia bojka pamiž miascovym žycharom i studentam z Konha. Apošni adkusiŭ biełarusu kavałak padbarodka (žudasnaje fota paciarpiełaha hladzicie tut). Suajčyńnik studenta paviedamiŭ «Našaj Nivie», nibyta afrykanskaha chłopca pačali abražać ludzi na vulicy, pytacca ŭ dziaŭčyny, «čamu jana ź niehram». Viciebskaja milicyja ahučyła svaju viersiju padziej.
«Było vyznačana, što dvoje studentaŭ padrychtoŭčaha adździaleńnia VNU pravodzili viečar u kampanii znajomaj. U niejki momant pamiž adnym z chłopcaŭ i dziaŭčynaj paŭstaŭ kanflikt. Jaho śviedkam staŭ vypadkovy čałaviek, jaki zastupiŭsia za suajčyńnicu. U chodzie bojki pamiž mužčynami uradženiec Demakratyčnaj Respubliki Konha ukusiŭ apanienta. Paśla afrykancy i ich znajomaja paśpiašalisia źbiehčy. Dla hetaha jany vyklikali taksi. Adnak kiroŭca admoviŭsia vieźci kampaniju. Tady dziaŭčyna ŭziałasia hramić aŭtamabil».
Pryjechała milicyja, ciapier dla pravavoj acenki dziejańniaŭ 33-hadovaj navapałačanki materyjały nakiravanyja ŭ Śledčy kamitet.
Navapołackim HAUS pravodzicca pravierka pa fakcie pryčynieńnia cialesnych paškodžańniaŭ 28-hadovamu biespracoŭnamu miascovamu žycharu, pryznačana sudova-miedycynskaja ekśpiertyza.