fota pres-słužby partyi «Słuha naroda»
Prezident Ukrainy Uładzimir Zialenski ŭ štab-kvatery partyi «Słuha naroda» prakamientavaŭ pieršyja vyniki hałavasańnia na vybarčych učastkach na pazačarhovych parłamienckich vybarach. «Słuha naroda» nabiraje kala 44%.
Zialenski padziakavaŭ ukraincam za vybar.
«73% (73,22% hałasoŭ vybarščykaŭ, jakija atrymaŭ Zielenski padčas druhoha tura prezidenckich vybaraŭ) było lepš, ale my ŭdziačnyja, i, ščyra kažučy, ja i kožny z nas, my ŭdziačnyja narodu Ukrainy za ich padtrymku», — skazaŭ jon.
Ukrainski lidar skazaŭ, što siońnia partyi mohuć adpačyć, ale z zaŭtrašniaha dnia ich čakaje surjoznaja praca.
Taksama Uładzimir Zialenski znoŭ zaprasiŭ lidara «Hołasa», vakalista «Akijana Elzy» Śviatasłava Vakarčuka da sumiesnaj pracy.
«Kali vy pamiatajecie, naša inicyjatyva spadaru Vakarčuku była viadoma z samaha pačatku majoj prezidenckaj kampanii, tamu, kali łaska, u nas krychu bolš vysoki rejtynh, čym «Hołasa», ale my zaprašajem da razmovy pana Vakarčuka ź vialikim zadavalnieńniem», — zajaviŭ Zialenski.