U Maskvie apieratyŭnik zamoviŭ vykradańnie načalnika 4-j Apieratyŭna-vyšukovaj častki adździeła ekanamičnaj biaśpieki i procidziejańnia karupcyi UUS pa Paŭnočna-Uschodniaj akruzie stalicy, kab źniać pastanovačny parnarolik (insceniravali zhvałtavańnie) ź jaho udziełam i prymusić zvolnicca. Pra heta paviedamlaje «Źviazda» sa spasyłkaj na telehram-kanał Baza.
Incydent adbyŭsia jašče ŭ 2014 hodzie. Palicejskaha vyvieźli ŭ Padmaskoŭje, dzie ŭ vakolicach vioski Homava vyciahnuli z mašyny i prosta na pryrodzie arhanizavali zdymačnuju placoŭku. Paśla hetaha jaho adpuścili.
Złačyncaŭ zatrymali i asudzili, adnak fłešku z pornazapisam u ich tak i nie znajšli. Kampramat złačyncy nibyta pieradali zakazčyku vykradańnia (imia jany admovilisia nazyvać).
U lutym 2019 hoda adzin z vykradalnikaŭ, siedziačy ŭ kałonii, raptam vyrašyŭ dać pakazańni. Jon raspavioŭ, što zakazčykam vykradańnia byŭ apieratyŭny supracoŭnik Alaksiej Sałaŭjoŭ, jaki pretendavaŭ na miesca načalnika. Mienavita tamu jon arhanizavaŭ vykradańnie, kab pry dapamozie šantažu damahčysia zvalnieńnia načalnika i zaniać jaho pasadu. Sałaŭjova dziakujučy hetym pakazańniam vielmi chutka zatrymali.
