Uviečary 26 červienia ŭ Minsku prajšoŭ mocny doždž z navalnicaj. Padčas niepahadzi viecier sarvaŭ adzin z baneraŭ, jaki raźmieščany na MKAD u rajonie CEC-4. Raściažku źniesła na prajeznuju častku.
Tak vyhladała siońnia ŭviečary Biełaruś na radyjołakacyjnaj karcie mieteaźjavaŭ.
Čytačy TUT.BY dasłali fotazdymki z kalcavoj darohi.
Na adnoj ź ich vidać, što banier začapiŭ adzin z aŭtamabilaŭ na darozie. Nieviadoma, ci paciarpieŭ chtości ŭ vyniku incydentu.
Paviedamlajecca taksama pra padtapleńni ŭ niekatorych rajonach horada. Tak, naprykład, było na skryžavańni vulic Niomanskaj i Kazimiraŭskaj, a taksama ŭ rajonie płoščy Banhałor i vulicy Majakoŭskaha, u Zialonym Łuzie, u mikrarajonie Sucharava i na Anharskaj. Zaliło i stadyjon «Dynama», dzie byŭ zapłanavany zabieh na 100 mietraŭ z barjerami.
Na sieradu i čaćvier abvieščany aranžavy ŭzrovień niebiaśpieki z-za śpiakoty i navalnic.
