Žonka narviežskaha miljaniera 69-hadovaja Ańnie-Elisabiet Fałkievik Chahien, ab vykradańni jakoj było zajaŭlena ŭ kastryčniku minułaha hoda, mahła być zabitaja. Pra heta paviedamiła ŭ sieradu Narviežskaje telehrafnaje biuro (NTB) sa spasyłkaj na palicyju, pišuć infarmahienctvy.
«Jość vialikaja vierahodnaść taho, što jana stała achviaraj surjoznaha kryminalnaha złačynstva, i my ličym mienš vierahodnym toje, što majem spravu z vykradańniem z ekanamičnymi matyvami. Asnoŭnaja hipoteza źmienienaja i zaklučajecca ŭ tym, što jana zabitaja», - skazaŭ inśpiektar palicyi Tomi Brioskie.
Jon pakazaŭ, što «vykradańnie mahło być insceniravana, kab schavać zabojstva».
U studzieni stała viadoma, što złamyśniki skrali žonku bujnoha narviežskaha inviestara Toma Chahiena 31 kastryčnika minułaha hoda i zapatrabavali vykup u pamiery 9 młn jeŭra ŭ kryptavalucie. Ańnie-Elisabiet źnikła z svajho doma ŭ kamunie Lorenskuh pablizu Osła.
