U Ciumieni (RF) chirurhi praapieravali miascovaha žychara z 15-kiłahramovaj puchlinaj brušnoj połaści, pra jakuju jon navat nie padazravaŭ, piša RIA Naviny.
Mužčyna ličyŭ, što prosta nabiraje lišniuju vahu, ale ŭ apošni čas jamu stała ciažka vieści zvykły ład žyćcia i jon vyrašyŭ źviarnucca da miedykaŭ.
Vyjaviłasia, što ŭ jaho hihanckaja puchlina brušnoj połaści i zabrušynnaj prastory - lipasarkoma. Puchlina składałasia z tłuščavaj tkanki i ŭjaŭlała saboj dva vielizarnyja vuzły ahulnaj masaj 15 kiłahramaŭ.
Utvareńnie zajmała praktyčna ŭsiu brušnuju paražninu i prarastała ŭ susiednija orhany: papiaročna-abadkovuju kišku, straŭnik, sielazionku, padstraŭnikavuju załozu, levy nadnyračnik.
U apieracyi ŭdzielničali try chirurhi, apieracyja doŭžyłasia dziesiać hadzin. Lekary paśpiachova vydalili puchlinu i zrabili rekanstrukcyju stravavoda i straŭnika, u jakija jana prarastała.
Pacyjent nie maje patreby ŭ procipuchlinnym lačeńni, pakolki takija puchliny nie mietastaznyja i nie paddajucca kłasičnaj chimijaterapii.
