Ninie Mazaj było 69 hadoŭ. Ciaham svajho žyćcia jana zajmała nadzvyčaj vysokija dziaržaŭnyja pasady. Uradženka Paleśsia, vypusknica Kapatkievickaj siaredniaj škoły, dyrektaram jakoj, darečy, byŭ baćka Śviatłany Aleksijevič, u struktury ŭłady jana pryjšła z kamsamoła.
Nina Mazaj była deputatam Viarchoŭnaha Savieta BSSR, u 1985-1991 hadach zajmała pasadu namieśnika staršyni Savieta Ministraŭ BSSR. Była ŭ liku pieršych pasłoŭ suvierennaj Biełarusi: uznačalvała biełaruskija dypłamatyčnyja misii ŭ Francyi i Kanadzie, była pastajannym pradstaŭnikom Biełarusi pry JUNIESKA.
U 1997—1999 hod pracavała namieśnikam ministra zamiežnych spraŭ Biełarusi. Da 2012 Nina Mazaj zajmała sienatarskaje kresła, była staršynioj Fondu pa padtrymcy talenavitaj moładzi pry prezidencie Biełarusi.
