Staršynia sielskaha vykankama ŭ Čavuskim rajonie niezakonna pryciahvaŭ žycharoŭ da administracyjnaj adkaznaści nibyta za parušeńni praviłaŭ dobraŭparadkavańnia i ŭtrymańnia dvaroŭ, paviedamlaje BiełTA ŭ prakuratury Mahiloŭskaj vobłaści.
U dačynieńni da kiraŭnika ŭ krasaviku była zaviedziena kryminalnaja sprava pa č.3 art.424 (złoŭžyvańnie ŭładaj abo słužbovymi paŭnamoctvami) KK. Papiaredniaje rasśledavańnie vioŭ Čavuski rajonny adździeł Śledčaha kamiteta.
Vyśvietliłasia, što kiraŭnik sielskaha vykankama ŭ 2016—2018 hadach, stvarajučy bačnaść aktyŭnaj pracy pa naviadzieńni paradku na ziamli, niezakonna vynosiŭ pastanovy ab pryciahnieńni žycharoŭ sielsavieta da administracyjnaj adkaznaści za vydumanyja parušeńni. Jon rabiŭ zapisy ŭ dakumientach i padpisvaŭsia ad svajho imia i ad imia hramadzian, jakija supraćpraŭnyja dziejańni nie ździajśniali. Infarmacyju pieradavaŭ u Čavuski RAUS dla ŭniasieńnia ŭ adziny dziaržaŭny bank źviestak ab pravaparušeńniach.
Jak patłumačyli ŭ prakuratury, štrafy staršynia apłačvaŭ u tym liku sam z asabistych srodkaŭ. Pryčynami dla ich pryznačeńnia stanavilisia nibyta składavańnie bytavoha śmiećcia, adchodaŭ, droŭ na ziemlach ahulnaha karystańnia, zaśmiečanyja prydamavyja terytoryi. Paciarpiełymi byli nie mienš za siem viaskoŭcaŭ.
Kryminalnaja sprava nakiravanaja ŭ rajonny sud.
