Fota: mirazur.fr
25 červienia ŭ Sinhapury prajšła ŭračystaja cyrymonija ŭznaharodžańnia premii The World's 50 Best Restaurants, dzie byli nazvanyja samyja lepšyja restarany śvietu.
Pieršaje miesca zaniaŭ francuzski restaran Mirazur, jaki zaraz stanie miescam pałomnictva hurmanaŭ z usiaho śvietu.
Šef-kuchar restarana Mirazur — italjaniec arhiencinskaha pachodžańnia Maŭra Kałahreka.
Fota mirazur.fr.
Restaran viadomy malaŭničym vidam na francuzskuju Ryŭjeru, ułasnym aharodam i ŭnikalnaj kuchniaj ź pieravahaj rybnych straŭ. Naprykład, tut padajuć burak z ułasnaha aharoda ŭ salavoj korcy z kremam z čornaj ikry.
Restaran byŭ adkryty ŭ 2006 hodzie i debiutavaŭ u rejtynhu tryma hadami paźniej.
Sam restaran znachodzicca ŭ miastečku Mientona, Francyja, što niepadalok ad italjanskaj miažy. Heta nie pieršaja ŭznaharoda restarana ŭ hetym hodzie. Raniej Mirazur atrymaŭ svaju treciuju zorku Michelin.
Na druhim miescy apynuŭsia dacki restaran Noma, jaki rehularna ŭvachodzić u dziesiatku śpisu, a na trecim — ispanski Asador Extebarri.
U rejtynh trapili dva restarany Maskvy: White Rabbit dy Twins Garden. Z krain Centralnaj i Uschodniaj Jeŭropy u rejtynh prabiŭsia adzin z restaranaŭ Słavienii.
Banhkokski Gaggan, jaki ŭznačalvaje śpis 50 najlepšych restaranaŭ Azii, zaniaŭ čaćviortaje miesca.
Restaran Geranium z Danii zajmaje ŭ śpisie piataje miesca. Na šostym miescy raźmiaściŭsia restaran Central ź Pieru, ispanski Mugaritz zajmaje ŭ hetym hodzie siomaje miesca.
Vośmaje ž miesca zaniaŭ jašče adzin francuzski restaran vybitnaha šef-kuchara Alena Pasara — L'Arpège, jaki byŭ adznačany tryma zorkami Michelin i raźmieščany ŭ Paryžy.
Ispanski restaran Disfrutar sioleta zaniaŭ dzieviataje miesca. Zakryvaje top 10 jašče adzin pieruanski restaran, raźmieščany ŭ stalicy — Maido.
50 najlepšych restaranaŭ śvietu
1. Mirazur (Mientona, Francyja).
2. Noma (Kapienhahien, Danija).
3. Asador Etxebarri (Aśpie, Ispanija).
4. Gaggan (Banhkok, Tajłand). Najlepšy azijacki restaran.
5. Geranium (Kapienhahien, Danija).
6. Central (Lima, Pieru). Najlepšy restaran Paŭdniovaj Amieryki.
7. Mugaritz (San-Siebaśćian, Ispanija).
8. Arpege (Paryž, Francyja).
9. Disfrutar (Barsiełona, Ispanija).
10. Maido (Lima, Pieru).
11. Den (Tokio, Japonija)
12. Pujol (Miechika, Mieksika). Najlepšy restaran Paŭnočnaj Amieryki.
13. White Rabbit (Maskva, Rasija).
14. Azurmendi (Łarabesua, Ispanija).
15. Septime (Paryž, Francyja).
16. Alain Ducasse au Plaza Athénée (Paryž, Francyja).
17. Steirereck (Viena, Aŭstryja).
18. Odette (Sinhapur).
19. Twins Garden (Maskva, Rasija).
20. Tickets (Barsiełona, Ispanija).
21. Frantzén (Stakholm, Šviecyja).
22. Narisawa (Tokia, Japonija).
23. Cosme (Ńju-Jork, ZŠA).
24. Quintonil (Miechika, Mieksika).
25. Alléno Paris au Pavillon Ledoyen (Paryž, Francyja).
26. Boragó (Santjaha, Čyli).
27. The Clove Club (Łondan, Vialikabrytanija).
28. Blue Hill at Stone Barns (Pakancika Chiłz, Ńju-Jork, ZŠA).
29. Piazza Duomo (Alba, Italija).
30. Elkano (Chietaryja, Ispanija).
31. Le Calandre (Rubana, Italija).
32. Nerua (Bilbaa, Ispanija).
33. Lyle's (Łondan, Vialikabrytanija).
34. Don Julio (Buenas-Ajres, Arhiencina).
35. Atelier Crenn (San-Francyska, ZŠA).
36. Le Bernardin (Ńju-Jork, ZŠA).
37. Alinea (Čykaha, ZŠA).
38. Hiša Franko (Kabaryd, Słavienija).
39. A Casa do Porco (San-Paŭłu, Brazilija.)
40. Restaurant Tim Raue (Bierlin, Hiermanija).
41. The Chairman (Hankonh, Kitaj).
42. Belcanto (Lisabon, Partuhalija).
43. Hof van Cleve (Krojschaŭtem, Bielhija).
44. Test Kitchen (Kiejptaŭn, Paŭdniovaja Afryka). Najlepšy restaran Afryki.
45. Sühring (Banhkok, Tajłand).
46. De Librije (Zvolle, Niderłandy).
47. Benu (San-Francyska, ZŠA).
48. Ultraviolet (Šanchaj, Kitaj).
49. Leo (Bahata, Kałumbija).
50. Schloss Schauenstein (Fiurstienaŭ, Šviejcaryja).
