Michaił Saakašvili zajaviŭ, što były prezident Ukrainy Piatro Parašenka trojčy prapanoŭvaŭ jamu pasadu premjer-ministra, paviedamlaje NV.
«Ja trojčy admaŭlaŭ Parašenku, kali jon mnie prapanoŭvaŭ być premjeram. Ja dumaju, što adzin ci dva razy jon prapanoŭvaŭ ščyra, u treci raz jon prosta chacieŭ mianie padstavić. Ale realna jon prapanoŭvaŭ — ja admaŭlaŭsia», — skazaŭ Saakašvili.
Pa słovach palityka, jon admaŭlaŭsia ad prapanoŭ prezidenta zaniać hetuju pasadu, pakolki Parašenka nie byŭ zhodny na kadravyja pierastanoŭki Saakašvili ŭ radzie ministraŭ.
«Jon skazaŭ: «Ty što, śmiaješsia? Ja tabie prapanuju, jak siabar siabru, druhuju pasadu ŭ krainie, a ty mnie raskazvaješ, što ty pavinien, akazvajecca, tut usio razburyć, usich pahnać, i my pavinny akunucca ź nieviadomym vynikam», — padzialiŭsia Saakašvili.
