Uzhadniajučy ŭ aŭtorak kiraŭnikoŭ miascovych orhanaŭ ułady, Łukašenka adznačyŭ, što raniej daručaŭ raźvivać u sielskaj haspadarcy novyja napramki i vypuskać zapatrabavanuju na rynku pradukcyju. Naprykład, u Biełarusi možna było b zaniacca aviečkahadoŭlaj, paviedamlaje jaho pres-słužba.
«Mnie ŭrad piša — nu prosta brydka čytać. Dobra, ja b nie razumieŭ u hetym ničoha: možna było b adpisku hetuju tryvać. Da 2025 hoda jany dadaduć 133% aviečak.
Heta značyć, aviečkahadoŭla budzie ŭ nas, my budziem aviečak razvodzić. Heta voŭna, heta aŭčyna, heta baranina. Niby na rynku zapatrabavana. Nu, karaciej, budziem razvodzić hetych aviečak. Tak, a što takoje 33% da 2025 hoda? Heta siońnia adna aviečka, a zaŭtra budzie adna i try dziasiatyja aviečki. Nu što heta za tempy?» — aburyŭsia jon.
Kiraŭnik dziaržavy padkreśliŭ, što za pracu treba bracca surjozna, tym bolš u hetym napramku jość pierśpiektyvy. «Pahladzicie, kolki ŭhodździaŭ u nas pustuje, navat u Mahiloŭskaj vobłaści. Ja nie kažu nižej, na Prypiaci, da centra, na zachadzie, Nioman, Prypiać. Pojmy nie zaniatyja. Časam laciš — škada stanovicca pustujučych ziemlaŭ. Niedzie bližej da pojmaŭ možam budavać lohkija naviesy i ŭtrymlivać hetych aviečak, — prapanavaŭ Łukašenka. — Ja ŭ hetym pierakanaŭsia asabista.
U mianie ich, napeŭna, ciapier štuk piaćdziasiat. Razdaju ludziam, dziavać niama kudy. Jakija tam vydatki? Ranicaj pojdzieš, nakosiš za paŭhadziny travy, zaviazieš — i im dosyć. Na pašu chodziać ci ŭ lasok zapuściŭ ich, jany ŭ hetym lesie siadziać u śpioku».
