kremlin.ru
Premjer-ministr Rasii Dźmitryj Miadźviedzieŭ zajaviŭ, što ŭ budučyni asnovaj sacyjalna-pracoŭnaha kantraktu stanie čatyrochdzionny pracoŭny tydzień, piša ria.ru
«Technałahičny praces pryvodzić da skaračeńnia nie tolki pracoŭnych miescaŭ, ale i pracoŭnaha času. Da pašyreńnia volnaha času. Vielmi vierahodna, što budučynia za čatyrochdzionnym pracoŭnym tydniem jak asnovaj sacyjalna-pracoŭnaha kantraktu», - adznačyŭ jon padčas vystupu na Mižnarodnaj kanfierencyi pracy.
Pa słovach Miadźviedzieva, pahonia za pośpiecham moža pahražać rasiejcam chraničnaj stomlenaściu i pastajannym stresam, što, u svaju čarhu, moža istotna adbicca na pradukcyjnaści pracy i ekanamičnych pakazčykach krainy.
U jakaści dokazu svaich słoŭ kiraŭnik urada pryvioŭ u prykład vopyt novaziełandskaj kampanii, jakaja paśla ŭviadzieńnia čatyrochdzionnaha pracoŭnaha tydnia atrymała rost pradukcyjnaści ŭ pieraliku na hadzinu pracoŭnaha času ŭ 20 pracentaŭ, u toj čas jak uzrovień stresu supracoŭnikaŭ źniziŭsia.
