Fota Kaciaryny Bubien
Što mienavita adbyłosia ŭ kvatery, nieviadoma. Žychary susiednich damoŭ raspaviadajuć, što z abieda 4 červienia kala doma stajała mašyna Śledčaha kamiteta,
piša Inteks-pres.
Kalehi zabitaj žančyny raskazvajuć, što ranicaj 4 červienia jana nie vyjšła na pracu ŭ dziciačy sad. Jany ŭźniali tryvohu. Paźniej u kvateru pryjechali baćki žančyny, jakija i pabačyli strašnaje vidovišča. Susiedka raskazvaje toje, što čuła ad inšych:
«Jana miortvaja lažała kala kanapy, jaje muž byŭ biez prytomnaści. Jaho ŭ balnicu zabrała chutkaja. A jana, kažuć, ciažarnaja była… Joj chutka 30 hadoŭ spoŭnicca, jana vychavacielkaj pracuje. Vielmi cichaja, spakojnaja i pryjemnaja žančyna. Synu ich 4 hady, jana ź im zaŭsiody ŭ dvary hulaje. A tut takoje … Nie razumieju, jak heta ŭvohule mahčyma?»
Pa słovach susiedziaŭ, chłopčyka padčas trahiedyi doma nie było: jaho advieźli da baćkoŭ mužčyny.
Siamju susiedzi apisvajuć jak «narmalnuju i zvyčajnuju».
— Z vyhladu ŭsio ŭ ich było narmalna. Žančyna ź dziciem časta hulała, a muž jaje jeździŭ na zarobki, kab kredyt za kvateru płacić.
Paźniej u SK paviedamili, što zaviedziena kryminalnaja sprava pa č.1 art.139 (zabojstva) Kryminalnaha kodeksa. Padazravanym pa kryminalnaj spravie pryznany muž žančyny, jaki znojdzieny ŭ kvatery biez prytomnaści z kołata-rezanymi ranieńniami.
Pavodle papiaredniaj viersii, mužčyna pryčyniŭ sabie cialesnyja paškodžańni z metaj utojvańnia ździejśnienaha im złačynstva. Jon znachodzicca na lačeńni va ŭstanovie achovy zdaroŭja. Rasśledavańnie praciahvajecca.
