Ministr zamiežnych spraŭ Rasii Siarhiej Łaŭroŭ nazvaŭ fejkam zajavu prezidenta ZŠA Donalda Trampa ab tym, što Rasija apaviaściła jaho «pra vyvad svaich ludziej ź Vieniesueły».
«Ja ździviŭsia, kali pračytaŭ. My nikoha nie apaviaščali. Jon, mabyć, pračytaŭ artykuł u The Wall Street Journal, jaki ŭžo prakamientavała i karparacyja Rastech, i naša ministerstva. Tam byli zhadanyja niejkija tysiačy rasijskich śpiecyjalistaŭ, jakich ciapier adtul prybrali», — zajaviŭ jon.
Pry hetym Łaŭroŭ pastaviŭ pad sumnieŭ jakaść pracy daradcaŭ Trampa pa pytańniach Vieniesueły.
Jon dadaŭ, što Rasija nikoli nie ŭtojvała pracu rasijskich vajennych śpiecyjalistaŭ u Vieniesuele. Pavodle jaho słoŭ, u apošni raz adpravili 95 ekśpiertaŭ pa absłuhoŭvańni techniki.
Raniej Donald Tramp zajaviŭ, što Rasija vyvieła ź Vieniesueły bolšuju častku svaich ludziej.
