Kala 200 čałaviek, pavodle padlikaŭ pravaabaroncaŭ, uziali ŭdzieł u tradycyjnym niadzielnym zbory praciŭnikaŭ pabudovy akumulatarnaha zavoda ŭ Breście, piša Radyjo Svaboda.
Ludzi sabralisia na płoščy Lenina a 12-j hadzinie, dzie ŭ hety samy čas prachodziła aficyjnaje mierapryjemstva ŭ honar Druhich jeŭrapiejskich hulniaŭ. Płošča była aharodžanaja, tamu pratestoŭcy suprać akumulatarnaha zavoda pierajšli praz darohu da pomnika Leninu.
Praź niejki čas pratestoŭcy pajšli kałonaj pa centry horada. Bolšuju častku šlachu ad płoščy Lenina da centralnaha ŭniviermaha ludzi išli biez łozunhaŭ, tolki niekalki razoŭ vyhuknuli «Nie zavodu AKB!».
0
0
0
0
0
0
