RBK
Udzielnica ruchu Femen praviała akcyju pierad vybarčym učastkam kandydata ŭ prezidenty Ukrainy Uładzimira Zialenskaha ŭ Kijevie, pieradaje RBK.
Dziaŭčyna, jakaja nazvałasia Julijaj, zajaviła: «My nie viedajem, chto taki Zialenski. Heta kot u miachu».
«Dumaju, što našy ludzi stracili nadzieju. Ja nie hałasuju ni za kaho, — zajaviła jana. — Pryjšła siudy vykazać svaju ideju. U takim vyhladzie — bo heta zaŭvažna. Inakš nichto nie zaŭvažyć».
Na pytańnie ab tym, čamu aktyvistka nazvała Zialenskaha katom u miachu, dziaŭčyna zajaviła, što «heta dumka łunaje ŭ pavietry». Jana padkreśliła, što nie padtrymlivaje apanienta Zialenskaha — Parašenku.
«Chopić hvałtavać Ukrainu!» — zajaviła aktyvistka.
Jak paźniej patłumačyła RBK kiraŭnik ukrainskaha adździaleńnia Femen Alisa Vinahradava, dziaŭčyna, jakaja praviała akcyju na ŭčastku Zialenskaha, — udzielnica «sieparatysckaj častki» ruchu, jakaja «pracuje na Parašenku». Sama Vinahradava — naziralnik na ŭčastku, dzie hałasuje dziejny prezident Ukrainy.
