Incydent adbyŭsia ranicaj 15 krasavika na aŭtadarozie pamiž vioskami Vałasovičy i Paleśsie Čačerskaha rajona.
DAI vyjaviła hruzavik «ZIŁ-131», jaki jechaŭ biez habarytnych ahnioŭ i blizkaha śviatła. Mašyny była zahružana łomam čornaha mietału. Supracoŭniki DAI pasprabavali spynić hruzavik, adnak kiroŭca tolki pavialičyŭ chutkaść, paviedamlaje UUS Homielskaha abłvykankama.
Padčas pahoni pieravozčyk mietału niekalki razoŭ sprabavaŭ błakavać słužbovy aŭtamabil, vilajučy pa darozie z boku ŭ bok. Jon taksama nie reahavaŭ na papiaredžańni, što milicyjaniery buduć stralać. Paśla papieradžalnaha strełu ŭvierch supracoŭniki DAI pačali stralać u levaje piaredniaje koła i ŭ radyjatar achaładžeńnia hruzavika. Tolki paśla hetaha «ZIŁ» spyniŭ ruch.
Za rulom hruzavika znachodziŭsia 24-hadovy žychar Čačerska. U mužčyny nie było pravoŭ i dakumientaŭ na aŭtamabil i hruz.
