Baskietbalisty «Cmoki-Minsk» paciarpieli 21-ju parazu ŭ matčach Adzinaj lihi VTB, paviedamlaje BiełTA.
Bolšuju častku hulniavoha času sustrečy ŭ Ryzie ź miascovym VEFam minčanie viali ŭ liku. Adnak u kancoŭcy čaćviortaj čverci haspadary zdoleli nie tolki dahnać «cmokaŭ», ale i vyrvać pieramohu - 70:65 (13:20, 19:17, 18:20, 20: 9).
U 24-ch hulniach «bankaŭskaha» turniru «Cmoki» atrymali ŭsiaho 3 viktoryi i znachodziacca na apošnim, 14-m miescy ŭ turnirnaj tablicy. Padapiečnym Raścisłava Vierhunova zastałosia pravieści dźvie haściavyja sustrečy - 21 krasavika z polskaj «Zialonaj Huraj» i 28 krasavika z rasijskim «Nižnim Noŭharadam».
Paśla finišu rehularnaha siezonu 8 najlepšych kłubaŭ vyjduć u čverćfinał. Usie sieryi płej-of buduć doŭžycca da troch pieramoh adnoj z kamand.
