Haradzienskija aktyvisty ŭstalavali kryž paŭstancam Kastusia Kalinoŭskaha na kurhanie na Lidčynie 14 krasavika.
Kryž u vyšyniu składaje 5,5 metraŭ, paviedamiŭ Svabodzie haradzienski aktyvist Vadzim Sarančukoŭ.
«U hety ŭikend u Horadni šmat cudoŭnych imprezaŭ: i frymarkiety, i prezentacyi, i kancerty, i dyskusii pra refarmavańnie zakanadaŭstva ab partyjach. Ci dumali pra takuju mahčymaść chłopcy, jakich 150 hadoŭ tamu pachavali voś u hetym kurhanie na Lidčynie? Dumaju, što nie», — adznačyŭ u svaim dopisie na Fejsbuku Sarančukoŭ.
Jon kaža, što kali ŭstaloŭvali kryž, prosta fizyčna adčuvałasia ŭdziačnaść paŭstancaŭ za toje, što nie zabyli ichniuju achviaru.
«Tak, my pamiatajem! I Kaściušku, i Kalinoŭskaha, i słučakoŭ, i Kurapaty. I hetaja pamiać — siła i honar majho kraju!», — napisaŭ Vadzim Sarančukoŭ.
