U Minsku lichač na matacykle sprabavaŭ uciačy ad ekipaža Dziaržaŭtainśpiekcyi. Takaja infarmacyja raźmieščanaja na tielehram-kanale UDAI HUUS Minharvykankama, paviedamlaje BiełTA.
Fota z Telehram-kanała Post DAI.
Uviečary 13 krasavika, ekipaž DPS adździeła DAI Leninskaha RUUS Minska pieraśledvaŭ matacyklista, jaki ruchaŭsia ź pieravyšeńniem chutkaści, parušaŭ praviły darožnaha ruchu i praihnaravaŭ patrabavańnie supracoŭnikaŭ spynicca.
Lichač vyjechaŭ na praśpiekt Pieramožcaŭ i ŭ rajonie skryžavańnia z zavułkam Viaśninka, sprabujučy abjechać aŭto, što spynilisia na čyrvonaje śviatło, nie spraviŭsia z kiravańniem i ŭrezaŭsia ŭ mašynu apieratyŭnaha pryznačeńnia.
Prajechaŭšy jašče kala 50 m, matacyklist ulacieŭ u šłahbaŭm. Kiroŭca byŭ zatrymany supracoŭnikami śpiecpadraździaleńnia DAI. Pry zatrymańni matacyklist supraciŭlaŭsia. Ciapier mužčyna znachodzicca ŭ Centry izalacyi pravaparušalnikaŭ.