U pramzonie vioski Kaladzičy, jakaja znachodzicca pobač z MKAD, adbyłasia masavaja bojka. Miascovyja žychary na BMW X5 atakavali kiroŭcu dastaŭki vady «202». U kanflikt umiašalisia i inšyja ekśpiedytary.
Abodva baki raskazali svaju viersiju padziej partału Onliner.by.
Historyja pačałasia z taho, što dastaŭščyk vady vyrašyŭ nie stajać u zatory na MKAD i pajechaŭ na bazu praz vuzkuju viaskovuju darohu. Znakami darožnaha ruchu heta zabaroniena.
Tym časam u vioscy BMW X5 zajazdžaŭ zadnim chodam u haraž. Kab abjechać jaho, kiroŭca hruzavika vyjechaŭ na sustrečnuju pałasu.
I tut mierkavańni razychodziacca. Kiroŭca hruzavika ličyć, što ničoha nadzvyčajnaha nie adbyłosia.
A chłopiec na BMW X5 miarkuje, što hruzavik značna pieravysiŭ chutkaść i pry abjeździe ledź nie začapiŭ jaho siamihadovaha syna, jaki jechaŭ na viełasipiedzie.
U vyniku kiroŭca BMW X5 padchapiŭ svajho brata i kinuŭsia ŭ pahoniu.
Razborki adbylisia na stajancy hruzavikoŭ.
«Byŭ mocny ŭdar hałavoj u tvar, u vyniku ŭ mianie vybity zub, idzie kroŭ z nosa», — tłumačyć kiroŭca hruzavika. Jaho apanient zajaviŭ, što atrymaŭ strasieńnie mazhoŭ.
U tym, chto byŭ vinavaty, ciapier raźbirajecca milicyja.