U Śledčym kamitecie paviedamili, što raspačata kryminalnaja sprava na praciŭnika budaŭnictva pad Brestam akumulatarnaha zavoda Majsieja Maźko, mužčyna zatrymany.
Nahadajem, 2 krasavika ŭ aŭtamabili praciŭnika budaŭnictva pad Brestam akumulatarnaha zavoda Majsieja Maźko nibyta znajšli patrony i padobny na zapał vybuchovaha prystasavańnia pradmiet.
«U chodzie razmovy z kiroŭcam i pravierki jaho dakumientaŭ supracoŭniki milicyi zaŭvažyli ŭ sałonie transpartnaha srodku palimierny pakiet, u jakim byli vyjaŭlenyja patrony, brykiet nieŭstanoŭlenaha rečyvy, a taksama pradmiet, padobny pa źniešnich prykmietach na zapał vybuchovaha prystasavańnia», — havorycca ŭ paviedamleńni.
Pa vynikach ekśpiertyzy vyjaŭlenyja patrony źjaŭlajucca bojeprypasami da roznych pistaletaŭ, vintovak, karabinaŭ i strelbaŭ.
Kryminalnuju spravu zaviali pa č.2 art. 295 (Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ). Mužčynu pahražaje pakarańnie ad vypraŭlenčych rabot da pazbaŭleńnia voli na termin da siami hadoŭ.
