Hramadzianin Litvy Evałdas Rymašaŭskas pryznaŭ siabie vinavatym u arhanizacyi niezakonnaj schiemy, z dapamohaj jakoj łatvijskaja kampanija Rymašaŭskasa atrymała kala $122 miljonaŭ paviedamlaje Delfi.
Rymašaŭskas, fota: Delfi.
Rymašaŭskas zarehistravaŭ u kvatery ŭ Daŭhaŭpiłsie TAA Quanta Computer Inc. z asnoŭnym kapitałam u 1 jeŭra. Nazva kampanii supadała z nazvaj bujnoha tajvańskaha vytvorcy kampjutarnaj techniki i kamplektujučych. Rymašaŭskas vioŭ pierapisku z amierykanskimi technałahičnymi hihantami i patrabavaŭ płacić za realnyja pastaŭki techniki na rachunki łatvijskaj kampanii ŭ Łatvii i na Kipry.
U 2013 hodzie Google zapłaciŭ łatvijskamu «bliźniuku» kampanii Quanta Computer Inc. kala 23 miljonaŭ dalaraŭ, Facebook u 2015-m hodzie pieravioŭ kala 98 miljonaŭ dalaraŭ, paviedamlaje Bloomberg. U Łatvii kryminalny praces raspačaŭsia ŭ kancy 2013 hoda: adzin z łatvijskich bankaŭ kanstatavaŭ ździajśnieńnie padazronych ździełak na niejkim rachunku, paviedamiŭ nahladu, a dalej infarmacyja pastupiła ŭ palicyju.
U 2017 hodzie Litva vydała 50-hadovaha Rymašaŭskasa pa zapycie pravaachoŭnych orhanaŭ ZŠA. Jon pryznaŭ svaju vinu ŭ machlarstvie. Prysud pa spravie Rymašaŭskasa budzie vyniesieny 24 lipienia. Abvinavačanamu pahražaje da 30 hadoŭ turmy.
