U Minsku da kanca hoda vyznačacca z dalejšymi krokami ŭ dačynieńni da pryvatnaha siektara, paviedamiŭ mer Minska Anatol Sivak u intervju kanału «Biełaruś 1».
Sivak ličyć, što papiarednija padychody da indyvidualnaj małapaviarchovaj zabudovy byli pamyłkovyja.
«Faktyčna ŭvieś pryvatny siektar praź sistemu ŭpraŭleńniaŭ kapitalnaha budaŭnictva, inšych zakazčykaŭ pačali znosić. Usio ž hetaja pazicyja niapravilnaja. My ŭsiudy prystupili da hetaha pracesu, ale jon nastolki pavolny i ciahniecca hadami, što ludzi aburajucca ŭžo nie tolki znosam, ale i tym, čamu nie znosiać. Vyraznaści niama», — skazaŭ jon.
Pavodle mera, minčuki stavili hetyja pytańni ŭ tym liku padčas asabistych pryjomaŭ hramadzian, i pa Sielhaspasiołku ŭžo pryniali rašeńni.
«Na siońnia my praces znosu prypynili. Kropkava razhladajem inšyja haradskija terytoryi, dzieści takija rašeńni buduć tyražavacca», — adznačyŭ Anatol Sivak.