U Mazyry sproba prysvoić čužoje skončyłasia dla 54-hadovaha mužčyny kryminalnaj spravaj. Jon prychapiŭ zhubleny telefon, paviedamlaje UUS.
Mazyrčuk, pryjechaŭšy dadomu, vyjšaŭ z mašyny, nachiliŭsia, kab uziać torby. U hety samy momant z nahrudnaj kišeni vypaŭ mabilny telefon. Prapažu zaŭvažyŭ amal adrazu — la padjezda, ale było ŭžo pozna: nieviadomy padniaŭ telefon ź ziamli i ŭciok, nie źviartajučy ŭvahi na kryki. Haspadar telefona pasprabavaŭ złavić złodzieja, ale biespaśpiachova.
Mazyrčuk źviarnuŭsia ŭ milicyju, dzie litaralna za hadzinu vyjšli na śled złačynca i zatrymali. Im akazaŭsia 54-hadovy biespracoŭny žychar Mazyra.
Raspačali kryminalnuju spravu.
0
0
0
0
0
0