Kala ofisa kandydata ŭ prezidenty Ukrainy Uładzimira Zialenskaha palicyja vyjaviła elemienty aparatury dla prasłuchoŭvańnia.
Tak prakamientavaŭ ministr unutranych spraŭ Arsien Avakaŭ znachodku pravaachoŭnikaŭ, pra jakuju paviedamiła pres-słužba kijeŭskaj palicyi.
«Palicyja Kijeva vyjaviła pad ofisam kandydata ŭ prezidenty Uładzimira Zialenskaha elemienty aparatury prasłuchoŭvańnia. Viadziecca rasśledavańnie», — cytuje ministra Departamient kamunikacyi MUS Ukrainy.
Paźniej Słužba biaśpieki Ukrainy paćvierdziła, što aparatura dla prasłuchoŭvańnia dadzienaha budynka była raźmieščana imi, ale prasłuchoŭvali nie Zialenskaha, a inšy abjekt.
Miž tym daradca ministra ŭnutranych spraŭ Ukrainy ŭžo zajaviŭ, što ad spravy patychaje ŭkrainskim uoterhiejtam.
Ahułam, jak vyhladaje, u hetaj prezidenckaj kampanii SBU «hraje» na baku dziejnaha prezidenta Piatra Parašenki, a ministr unutranych spraŭ Arsien Avakaŭ — na baku jahonych kankurentaŭ.
