Ministr zamiežnych spraŭ Uładzimir Makiej, vystupajučy siońnia na mierapryjemstvie z nahody Mižnarodnaha dnia rodnaj movy i 25-hodździa Kanstytucyi Biełarusi ŭ Nacyjanalnaj biblijatecy, adznačyŭ kałasalnuju značnaść biełaruskaj movy, pieradaje BiełTA.
«Dla mianie vialiki honar i zadavalnieńnie śviatkavać razam z vami Mižnarodny dzień rodnaj movy, jaki ŭ hetym hodzie my pryśviacili 25-hodździu Kanstytucyi Biełarusi, — adznačyŭ kiraŭnik zamiežnapalityčnaha viedamstva. — Kanstytucyja Biełarusi ŭklučyła ŭ siabie pierajemnaść i vopyt šmatviakovaha histaryčnaha šlachu krainy i abapirajecca na nieadjemnaje prava biełaruskaha naroda mieć svaju dziaržaŭnaść. Jana harantuje kožnamu hramadzianinu krainy svabodu i pravy, nieabchodnyja dla stvaralnaj pracy, hodnaha žyćcia, harmaničnaha raźvićcia asoby i ich realizacyju».
Uładzimir Makiej źviarnuŭ uvahu, što artykuł 17 Kanstytucyi Biełarusi zamacoŭvaje biełaruskuju movu ŭ jakaści dziaržaŭnaj razam z ruskaj.
«Naša mova ščyra charaktaryzuje nas jak stałuju nacyju sa svaim śvietapohladam i mientalitetam, adlustroŭvaje dośvied, kaštoŭnaści, tradycyi biełaruskaha naroda. Jana źjaŭlajecca važnaj prymietaj etničnaj samaśviadomaści biełarusaŭ i istotnym padmurkam dziaržaŭnaści», — padkreśliŭ ministr.