Kamanda vieterynaraŭ Łondanskaha zaaparka apublikavała padborku renthienaŭskich zdymkaŭ žyvioł, jakija byli zrobleny padčas abśledavańnia 18 tysiač nasielnikaŭ zaaparka.
Na zdymkach dobra bačnyja škilety žyvioł — žab, źmiej, čarapach i jaščarak. Renthien zastajecca adnym z najbolš efiektyŭnych mietadaŭ dyjahnostyki, kažuć vieterynary.
«Pa renthienaŭskim zdymku možna vielmi mnohaje skazać pra zdaroŭje žyvioły — ad taho, nakolki mocnaja ŭ ich kaściavaja sistema da taho, ci jość u ich zachvorvańni serca», — kaža vieterynar Chizer Makintoš.
«Hetyja zdymki nieabchodnyja ŭ našaj pracy. I choć my bačym hetyja ŭnikalnyja zdymki davoli časta, my ŭsio roŭna ličym, što jany vielmi cudoŭnyja», — kaža jana.
«Bolšaść ludziej ź lohkaściu paznaje renthienaŭskija zdymki čałavieka, ale jany, chutčej za ŭsio, nikoli nie bačyli renthien pancyra vialikaha ščacinistaha branianosca abo chvasta vialikahałovaj čarapachi», — kaža Makintoš.
Jaščarka ź siamiejstva hiekonaŭ — hiekon toki.
Renthienaŭski zdymak ščacinistaha branianosca.
Vialikahałovaja čarapacha — nievialikaja presnavodnaja čarapacha.
Maisavy połaz. Daŭžynia jaho cieła moža dasiahać 1,8 mietra.
Renthienaŭski zdymak aryzonskaha jadazuba.
