Alaksandr Łukašenka nakiravaŭsia z rabočym vizitam u Rasiju. Samalot siońnia ŭviečary vylecieŭ z Nacyjanalnaha aeraporta Minsk, pieradaje karespandent BiełTA.
Kiraŭniki dziaržaŭ damovilisia pra novuju sustreču padčas telefonnaj razmovy 31 studzienia, kab abmierkavać realizacyju damoŭlenaściej, dasiahnutych na papiarednich pieramovach u Kramli ŭ kancy minułaha hoda.
Čakajecca, što 13 lutaha prezidenty abmiarkujuć klučavyja pytańni dvuchbakovaha paradku dnia i pierśpiektyvy raźvićcia intehracyjnych pracesaŭ na jeŭrazijskaj prastory. 15 lutaha projdzie sustreča Alaksandra Łukašenki i Uładzimira Pucina ź ministrami dźviuch krain, jakija kuryrujuć adukacyju, kulturu i sport.
«Abmiarkujuć kankretnyja prapanovy pa dalejšym pahłybleńni supracoŭnictva ŭ hetych važnych halinach», — rastłumačyli ŭ pres-słužbie prezidenta Rasii.
