Kiraŭnik BPC mitrapalit Pavieł prakamientavaŭ trahiedyju ŭ škole №2 u Stoŭbcach, dzie školnik zabiŭ nažom i nastaŭnicu i vučnia dy paraniŭ dvuch čałaviek. Zvarot źmieščany na sajcie BPC.
«Z pačućciom hłybokaha smutku i bolu daviedaŭsia pra trahiedyju…. Prosim pieradać ščyraje spačuvańnie i słovy padtrymki rodnym i blizkim zahinułych i paciarpiełych», - havorycca ŭ spačuvańni na imia staršyni Staŭbcoŭskaha rajvykankama Dzianisa Kolesienia.
«Zabojstva niavinnych ludziej havoryć pra hłybokaje maralnaje paškodžańnie dušy junaha złačyncy. Spadziajemsia, što sumiesnymi namahańniami dziaržavy i hramadstva budzie zroblena ŭsio mahčymaje dla rasśledavańnia abstavinaŭ ździejśnienaha złačynstva i dla praduchileńnia padobnych trahiedyj u budučyni», - adznačyŭ mitrapalit Pavieł.