Siońnia sud Kamianieckaha rajona prystupiŭ da razhladu spravy pa abvinavačvańni 42-hadovaha žychara v. Stavy ŭ ździajśnieńni złačynstvaŭ, praduhledžanych art. 186 (pahroza zabojstvam), č. 2 art. 295 (niezakonnyja dziejańni ŭ dačynieńni da ahniastrelnaj zbroi), č. 3 art. 339 (chulihanstva), piša sb.by.
Historyja zdaryłasia 8 listapada. Biespracoŭny viaskoviec kala 23:00 pryjšoŭ u chatu da adnaviaskoŭki praź niezačynienyja dźviery, dvojčy streliŭ z palaŭničaj strelby i pahražaŭ zabojstvam. Praz 15 chvilin jon byŭ užo ŭ inšaj chacie. Prystaviŭ da hałavy haspadara strelbu i pahražaŭ strelić, ale namier svoj nie ažyćciaviŭ.
I žančyna, i mužčyna patelefanavali ŭ milicyju. Byŭ uviedzieny płan «Sirena».
Viaskoviec z-pad Kamianca napaŭ na susiedziaŭ, a ciapier čaćviortyja sutki chavajecca sa strelbaj u lesie
Znajšli strałka tolki praz tydzień. Mužčyna zdaŭsia biez supracivu. Strelby pry im nie było.
Z momantu zatrymańnia abvinavačvany znachodzicca pad vartaj.
Paciarpiełymi pa spravie prachodziać 5 čałaviek — žychary vioski Stavy. Siońnia jany źviarnulisia da sudździ z chadajnictvam stroha nie karać ziemlaka. Maŭlaŭ, pretenzij u ich da jaho nijakich niama.