Deputaty Dziaržaŭnaj dumy pryniali ŭ pieršym čytańni zakonaprajekt sienatara Andreja Klišasa pra izalacyju rasijskaha siehmienta internetu. Za dakumient prahałasavali 334 deputaty, suprać - 47.
Kiraŭnik profilnaha kamiteta pa infarmacyjnaj palitycy Leanid Levin u svaim vystupie adznačyŭ, što niekatoryja pałažeńni zakonaprajekta patrabujuć karekciroŭki, ale heta mahčyma zrabić da druhoha čytańnia.
Suprać zakonaprajekta vystupili pradstaŭniki ŭsich frakcyj, akramia «Adzinaj Rasii».
U śniežni sienatar Andrej Klišas u suaŭtarstvie ź Ludmiłaj Bokavaj i deputatam Dziarždumy Andrejem Łuhavym unios zakonaprajekt, jaki dazvolić rasijskim uładam kantralavać kropki złučeńnia rasijskaha siehmienta internetu z vakolnym śvietam. Dla procidziejańnia źniešnim pahrozam aŭtary dakumienta prapanujuć, u pryvatnaści, stvaryć infrastrukturu, jakaja dazvolić rasijskamu siehmientu pracavać u izalacyi.
