Kantrakt ź biełaruskim kłubam «Słuck» zaklučyŭ nihieryjski lehijanier Abdałachi Ojiedele. Pa pašparcie hetamu chłopcu ŭsiaho tolki 19 hadoŭ, ale šmat u kaho zakradvajucca vialikija sumnievy.
Tak Ojiediele vyhladaje ŭ svaje 19.
Naprykład, svaju staronku ŭ fejsbuku Abdułachi viadzie z 2010 hoda. Tady jamu nibyta było ŭsiaho tolki 11 hadoŭ, ale na zdymkach taho času ŭ afrykanca hustaja barada.
A tak nibyta futbalist vyhladaŭ, kali jamu było 11.
U Biełaruś jon pryjechaŭ z małdaŭskaha kłuba «Saksan», jaki vystupaje ŭ druhoj lizie.
Trenier «Słucka» Vital Paŭłaŭ skazaŭ, što heta nie jahony abaviazak — praviarać uzrost futbalista. Jamu hałoŭnaje, kab nihieryjec dobra hulaŭ i zabivaŭ hały. «U jaho ž pašpart jość, niejak miažu pierasiakaŭ», — prakamientavaŭ Paŭłaŭ incydent dla by.tribuna.com.
U źmianšeńni ŭzrosta abvinavačvali mnohich afrykanskich futbalistaŭ, ale dakapacca da praŭdy tut składana.
