Takija prypynki pastavić BPS-Śbierbank, jaki razam z płaciežnaj sistemaj Visa zaklučyŭ z FK BATE trochbakovy miemarandum ab supracy. Pry hetym bank atrymaŭ status aficyjnaha partniora kłuba.
Pieršy futbolny prypynak u Barysavie ŭstalujuć da siaredziny hoda. U pieršuju čarhu źmieniacca prypynki, jakija stajać la stadyjona «Barysaŭ-Arena», dzie vystupaje čempijon Biełarusi.
Taksama šturšok atrymaje prajekt pa ŭkaranieńni bieskantaktavaj apłaty ŭ naziemnym transparcie Barysava. Heta stanie raźvićciom servisu bieskantaktavaj apłaty, što raniej BPS-Śbierbank zapuściŭ u minskim mietro.
«Dla Biełarusi heta budzie redki prykład stratehičnaha i šmatbakovaha ŭzajemadziejańnia, jakoje vyjdzie daloka za miežy sumiesnaha prasoŭvańnia. My płanujem razam ažyćciavić unikalnyja prajekty dla prychilnikaŭ futboła. Što važna, supracoŭnictva taksama zrobić uniosak u raźvićcio infrastruktury Barysava, daść mahčymaść umacavać jaho imidž jak futbolnaha horada», — padkreśliŭ staršynia praŭleńnia BPS-Śbierbanka Ihar Miarkułaŭ.
Siarod čakanych prajektaŭ — vypusk bankam sumiesnaj futbolnaj karty FK BATE na płatformie Visa. Taksama płanujecca stvaryć bieznajaŭnuju płaciežnuju prastoru na «Barysaŭ-Arenie». Akramia hetaha, u Barysavie buduć rehularna pravodzić sacyjalnyja mierapryjemstvy i aktyŭnaści, u tym liku z udziełam futbolnaj kamandy.
