U Biełarusi vybrali najlepšyja brendy krainy. Hran-pry premii «Brend hoda — 2018» — zvańnie «Zdabytak respubliki» dastałasia kampanii «Savuškaŭ pradukt». Brescki vytvorca taksama pieramoh va ŭsich małočnych katehoryjach i ŭziaŭ «zołata» jak «Sacyjalna adkazny brend».
Najlepšyja brendy krainy vybirali spažyŭcy i prafiesijnaje žury. Usie handlovyja marki aceńvalisia pa dvuch paramietrach — viadomaść i pieravahi. U ahulnanacyjanalnym apytańni ŭziali ŭdzieł mužčyny i žančyny 18—60 hadoŭ. Usich ich prasili nie abrać sa śpisu, a nazvać brendy, jakija jany viedajuć i jakim addajuć pieravahu.
Na hety raz pieramožcaŭ vyznačyli ŭ čatyroch naminacyjach i bolš čym u 100 katehoryjach. U konkursie ŭdzielničali jak biełaruskija, tak i zamiežnyja brendy. Hran-pry premii i zvańnie «Brend — zdabytak respubliki» atrymaŭ «Savuškaŭ pradukt». Jon ža staŭ pieramožcam u troch praduktovych katehoryjach: małočnaja pradukcyja, johurty i syry.
«Asnoŭnaj našaj zadačaj zastajecca vytvorčaść naturalnych małočnych praduktaŭ, karysnych dla zdaroŭja i takich, što całkam adpaviadajuć zapytam spažyŭcoŭ. Pry hetym my namahajemsia vypuskać pradukcyju, jakaja hodna kankuruje nie tolki ŭ Biełarusi, ale i daloka za jaje miežami. I nam vielmi pryjemna, što siońnia nam heta ŭdajecca», — adznačaje namieśnik hiendyrektara kampanii «Savuškaŭ pradukt» Alena Babkina.
Kampanija taksama ŭziała «zołata» jak «Sacyjalna adkazny brend», staŭšy pieramožcam u katehoryi «Aktyŭnaja sacyjalnaja pazicyja». «Savuškaŭ» adnym ź pieršych u krainie staŭ udzielnikam mižnarodnaj inicyjatyvy «Hłabalny dahavor» i štohod realizuje dziasiatki sacyjalnych prajektaŭ. Ich meta — danieści dakładnuju i karysnuju infarmacyju pra zdarovy ład žyćcia, pravilnaje charčavańnie i rolu małočnych praduktaŭ u racyjonie čałavieka.
«Brend hoda» źjaŭlajecca pieršym u Biełarusi prafiesijnym konkursam u śfiery markietynhu i brendynhu. Konkurs pravodzicca ŭžo 17 hadoŭ i źbiraje sotni ŭdzielnikaŭ u roznych katehoryjach.
