Kryminalny pieraśled pa «spravie BiełTA» piaciarych supracoŭnikaŭ Tut.by, u tym liku redaktaraŭ Haliny Ułasik, Hanny Kałtyhinaj, Dźmitryja Bobryka, spynili, paviedamlaje partał.
Siońnia zadavolili ich chadajnictvy ab spynieńni vytvorčaści pa kryminalnaj spravie na padstavie art. 86 KK (Vyzvaleńnie ad kryminalnaj adkaznaści z pryciahnieńniem asoby da administracyjnaj adkaznaści). Usie redaktary pahasili stratu (ad 3 000 da 17 000 rubloŭ) i zapłacili administracyjnyja štrafy 30 bazavych vieličyń (735 rubloŭ). Zaraz pa «spravie BiełTA» jany prachodziać jak śviedki. Padpisku ab niavyjeździe admianili, zabaronu na vyjezd z krainy źniali.
Abvinavačanymi pa kryminalnaj spravie zastajucca hałoŭny redaktar Tut.by Maryna Zołatava i redaktar Hanna Jermačonak. Marynie Zołatavaj pradjaŭlenaje abvinavačvańnie pa č. 2 art. 425 Kryminalnaha kodeksa Biełarusi (Biaździejnaść słužbovaj asoby). Sankcyi pa hetym artykule praduhledžvajuć ad štrafu da piaci hadoŭ pazbaŭleńnia voli.
Taksama 27 listapada naviny.by paviedamili, što spynili kryminalny pieraśled jašče adnaho fihuranta spravy, redaktara internet-sajta haziety «Biełarusy i rynak» Alaksieja Žukava. Jon zapłaciŭ administracyjny štraf 30 bazavych.
