pixabay.com
Oksfardski słoŭnik pryznaŭ słova «toxic» (z anhł. — «atručany», «napoŭnieny atrutaj», «taksičny») słovam 2018 hoda. Adpaviednaje paviedamleńnie raźmieščana na jaho sajcie. Mienavita hety prymietnik, jak vyrašyli śpiecyjalisty, dadaŭ šmat niuansaŭ «duchu hetaha hoda» i patencyjna moža stać «terminam kulturnaha značeńnia».
Razam z 45-pracentnym pavieličeńniem kolkaści prahladaŭ słova «toxic» na sajcie Oksfardskaha słoŭnika za apošni hod hety prymietnik taksama vykarystoŭvaŭsia ŭ roznych kantekstach jak u litaralnym, tak i ŭ mietafaryčnym sensach, adznačyli ekśpierty. Tak, najbolš časta z vyznačeńniem «toxic», pa ich dadzienych, ludzi spałučajuć słovy «chimikat», «maskulinnaść», «rečyva», «haz», «asiarodździe», «adnosiny», «kultura», «adkidy», «vodaraści» i «pavietra».
«Zhadki pra taksičnyja chimikaty ŭ hetym hodzie majuć asablivaje značeńnie, bo atručvańnie niervova-paralityčnym ahientam byłoha rasijskaha raźviedčyka [Siarhieja Skrypala] i jaho dački ŭ Brytanii ŭzrušyła ŭvieś śviet», — havorycca taksama ŭ paviedamleńni na sajcie Oksfardskaha słoŭnika
«Pastajannaja ŭvaha mižnarodnaj supolnaści da hetaj spravy, a taksama zaniepakojenaść z nahody taho, chto maje dostup da suśvietnych zapasaŭ taksičnych chimikataŭ, pryviali da taho, što [słova] «chimikat uznačaliła śpis słoŭ, jakija čaściej za ŭsio ŭžyvajucca u 2018 hodzie razam sa słovam «taksičny», - rastłumačyli składalniki Oksfardskaha słoŭnika.
