Siońnia prajšli try prapuščanyja hulni raniejšych turaŭ čempijanatu krainy pa futbole. Pryčym sustrakalisia ŭsie šeść kamandaŭ, što zajmajuć vierchnija šeść radkoŭ u tablicy.
«Šachcior» pieramoh «Viciebsk» — 2:1, žodzinskaje «Tarpieda-BiełAZ» i minskaje «Dynama» zhulali ŭničyju — 0:0, a BATE ŭ haściach atrymaŭ valavuju pieramohu nad bresckim «Dynama» — 3:1 (Barysaŭ paśla pieršaha tajma sastupaŭ 0:1).
Paśla 26 turaŭ: BATE — 66, Šachcior — 54, Viciebsk — 53, Dynama Minsk — 51, Tarpieda-BiełAZ — 47, Dynama Brest — 45.
Da kanca čempijanatu zastałosia pravieści čatyry tury. Nastupny, 27-y tur, užo na hetych vychodnych. BATE zhulaje z «Niomanam», «Šachcioram» z «Promniem», a «Viciebsk» — ź minskim «Dynama».
Barysaŭcam, kab zavajavać załatyja miedali, dastatkova ŭ čatyroch matčach nabrać adzin bał, naprykład, dastatkova ničyjoj z «Niomanam». Nu i kab «Šachcior» pieramoh va ŭsich hulniach.
BATE z 2006 hoda — niaźmienny čempijon krainy.
