Vydańnie BBC News skłała śpis najlepšych filmaŭ usich časoŭ, źniatych nie na anhlijskaj movie. U rejtynh uvajšli 100 karcin.
«Sioleta my adčuli, što pryjšoŭ čas pieranieści fokus z Halivudu i zasiarodzicca na najlepšym kiniematohrafie z usiaho śvietu», - adznačyli aŭtary.
Na pieršym radku apynułasia stužka ź Japonii — «Siem samurajaŭ» režysiora Akiry Kurasavy, źniataja ŭ 1954 hodzie. Na druhim miescy - «Vykradalniki rovaraŭ» Vitorya de Siki 1948 hoda. Zamykaje trojku «Takijskaja historyja» 1953-ha, stvoranaja japoncam Jasudzira Odzu.
Na 59-m miescy znachodzicca «Idzi i hladzi» Elema Klimava, źniataja pavodle knihi i scenara Alesia Adamoviča.
Film — pra karnuju akcyju nacystaŭ vačyma chłopčyka. Heta sumiesny prajekt «Biełaruśfilma» i «Maśfilma», źniaty ŭ 1985 hodzie.
