Kiraŭnik pradstaŭnictva Jeŭrapiejskaha sajuza ŭ Biełarusi Andrea Viktaryn u efiry ANT vykazała nadzieju na chutkaje padpisańnie pahadnieńnia ab spraščeńni vizavaha režymu.
Fota: ld-inbelarus.by.
«Ciapier prachodziać pieramovy ab spraščeńni vizavaha režymu. Užo jość prapanovy adnosna daty praviadzieńnia nastupnaha raŭnda. My spadziajemsia, što heta budzie apošni», — skazała Andrea Viktaryn.
Jana adznačyła, što pahadnieńni amal hatovyja. Ich padpisańnie budzie važnym krokam.
«Našy adnosiny apošnim časam palepšali. I my chočam, kab u nas byli hetyja vizavyja pahadnieńni ź Biełaruśsiu. Spadziajusia na chutkaje padpisańnie», — dadała kiraŭnik pradstaŭnictva ES u Biełarusi.
Pieramovy ab spraščeńni vizavaha režymu i readmisii aficyjna pačalisia ŭ studzieni 2014 hoda.
