Biełaruski ekzarchat Ruskaj pravasłaŭnaj carkvy vystupiŭ suprać «ahresiŭnaha ŭmiašańnia» Kanstancinopalskaha patryjarchata va ŭnutranyja spravy RPC va Ukrainie. Zvarot źmieščany na sajcie Biełaruskaha ekzarzata.
U suviazi z prajaŭlenym antykananičnym umiašańniem Patryjarcha Kanstancinopalskaha Varfałamieja va ŭnutranyja spravy RPC Sinod Biełaruskaj Pravasłaŭnaj Carkvy pastanaviŭ:
1. Adnahałosna i adnadušna padtrymać pazicyju Śviaciejšaha Patryjarcha Maskoŭskaha i ŭsioj Rusi Kiryła i Śviatoha Sinoda Ruskaj Pravasłaŭnaj Carkvy, vyjaŭlenuju ŭ aficyjnaj Zajavie ad 8 vieraśnia 2018 hoda, u suviazi z pryznačeńniem dvuch ijerarchaŭ Kanstancinopalskaha Patryjarchata — archijepiskapa Pamfilijskaha Daniiła i jepiskapa Edmantanskaha Iłaryjona — «ekzarchami» Kanstancinopalskaha patryjarchata ŭ horad Kijeŭ.
2. Vykazać pratest suprać dziejańnia Kanstancinopalskaha Patryjarchata, bo jano pradstaŭlaje saboj ahresiŭnaje ŭmiašańnie adnoj Pamiesnaj Carkvy va ŭnutranyja spravy inšaj Pamiesnaj Carkvy, nakiravanaje na padryŭ asnoŭ Mižpravasłaŭnaha miru i adzinstva.
Sinod BPC taksama vykazvaje ŭsiebakovuju padtrymku mitrapalitu Kijeŭskamu i ŭsioj Ukrainy Anufryju — kananičnamu Pradstajacielu UPC, a taksama zaklikaje śviedčyć ab nieparyŭnym duchoŭnym adzinstvie «pravasłaŭnych chryścijan brackich narodaŭ Biełarusi, Rasii i Ukrainy — dziaciej RPC, što pachodziać z Kijeŭskaj chryścilnaj kupieli».
Rašeńnie pra aŭtakiefaliju Ukrainskaj pravasłaŭnaj carkvie paćvierdžanaje
RPC pahražaje Kanstancinopalu razryvam adnosinaŭ z-za «ŭkrainskaha pytańnia»
RPC ubačyła ŭ dziejańniach Kanstancinopala pahrozu ŭsiamu suśvietnamu pravasłaŭju
