Dyrektarka Hłybockaj škoły № 1 Ina Saulič abvierhła infarmacyju, jakaja źjaviłasia ŭ sacsietkach, što jana nibyta zabaraniła adnoj z nastaŭnic naviedvać kursy «Mova nanova», piša Radyjo Svaboda.
Ina Saulič skazała, što na kursach «Mova nanova» była nie adna, a niekalki nastaŭnic.
«Jany mohuć naviedvać kursy «Mova nanova», jany svabodnyja ludzi. Im nie było nijakich zabaronaŭ ci zaŭvah. Heta ich sprava. Ja viedaju, što jany naviedvali hetyja kursy i potym dzialilisia svaimi ŭražańniami», — skazała Ina Saulič
Adna z nastaŭnic, jakaja była na kursach «Mova nanova», Alena Nikifarovič, paćvierdziła karespandentu Svabody, što jaje nichto nie vyklikaŭ i nie zabaraniaŭ naviedvać kursy «Mova nanova». Jana padzialiłasia ŭražańniami ad kursaŭ.
«Było vielmi cikava i paznavalna. Cikavyja ludzi, jakija zachaplajucca krajaznaŭstvam, inšymi rečami. Čamu ja tudy nie mahu schadzić? Mahu, chacia nie atrymlivajecca štoraz», — skazała nastaŭnica.
