Viertalot Mi-8 z alpinistami na borcie žorstka pryziamliŭsia na ledavik Fartambiek u Tadžykistanie. Adzin z pasažyraŭ — 60-hadovy minčuk Mikałaj Šychaŭ.
Pra zdareńnie paviedamlaje rasijski telehram-kanał Mash:
«Dla razumieńnia: «žorstkaja pasadka» — heta niešta siaredniaje pamiž krušeńniem i avaryjnaj pasadkaj. Na hety momant viadoma ab jak minimum adnym zahinułym.
Razam z 13 rasiejcami, biełarusam i ispancam zastajucca taksama členy ekipaža viertalota — usie hramadzianie Tadžykistana. Jany zmahli vyjści na suviaź z «ziamloj» i paviedamili, što raźbivajuć łahier na noč».
Alpinisty viartalisia ź pika Ismaiła Samoni (raniej — pik Kamunizma).
Los biełarusa Mikałaja Šychava pakul nieviadomy. Siamja nie maje źviestak pra zdareńnie.
Šychaŭ rodam z Adesy, ale vučyŭsia ŭ Minsku, matematyk, kandydat techničnych navuk. Pracavaŭ u Instytucie techničnaj kibiernietyki Akademii navuk Biełarusi, paśla syšoŭ u biznes. Jaho žonka Taćciana taksama zachaplajecca alpinizmam.
